para sa hukbong-bayan
ang marating ang rurok at masabing:
nanalig tayo sa buhay, sa sambayanan,
at hindi tayo binigo, kailanman,
ng buhay, ng sambayanan.
Sa ganitong paraan
nagiging ganap na lalaki ang lalaki
nagiging ganap na babae ang babae
kapag araw-gabing suong ang digma
para sa buhay, para sa sambayanan.
At kapag naabot ang rurok ng buhay,
hahawiin ng sangkatauhan
ang pinakamalalalim nilang mga dagat,
magiging bahagi ng tubig, walang-maliw,
magiging mata ng santelmo, nabubuhay
at bumubuhay sa puso ng pakikibaka.
Walang kasingningning
para sa hukbong-bayan
ang marating ang rurok at masabing:
nanalig tayo sa buhay, sa sambayanan
at hindi tayo binigo, kailanman,
ng buhay, ng sambayanan.
No comments:
Post a Comment